Објектот Матичен на Градинка Пролет е цврста градба изграден во 1977 година, а реконструиран во 2012 година благодарејќи на заложбите на Општина Карпош и Јапонска  Амбасада. Условите за престој на децата во овој објект се идеални бидејќи занималните, просториите, ентериерот во целост е реновиран. Последниве неколку години откако се сменети прозорите, како енергетски ефикасна градинка се чуствуваат благодетите на заштеда на топлотна и електрична енергија, подобри хигиенски услови  за престој на децата и работа на вработените. Градинката располага со корисна внатрешна површина од 2055 м2 и голема дворна површина од  1200 м2. и капацитет од 200 деца. Во дворот на објектот има детски реквизити кои се оштетени и неопходно е да се заменат со нови заради безбеден и спокоен престој на децата во дворот. Хигиената се одржува редовно и е на задоволително ниво. Се врши редовна дезинфекција и дезинсекција, редовно миење на играчките, промена на постелнитата и естетско уредување на просториите. Овој објект во целост реконструиран со помош на средства од Општина Карпош и Шведска амбасада, поставен е нов покрив, нови ПВЦ прозори и врати, реконструирани детските тоалети и со право може да се каже дека оваа градинка има квалитетни услови за престој на деца. Потребно е замена на машини и опрема т.е промена на казани за готвење, универзална машина за мелење, сечење и лупење, и набавка на нови фрижидери за главната кујна… Објектот Бумбарче што се наоѓа на ул.Стрежево бр. 7 е во состав на Матичниот објект на Градинка Пролет со капацитет за 50 деца и е целосно реновиран. Во текот на летниот период вработените во Објектот ја уредуваа  дворната површина, фарбаа, го исчистија просторот од плевел, го оплеменија просторот со стари гуми од возила кои ги офарбаа и ги адаптираа во масички, столчиња, жардињери за цвеќиња, направија и поставија детски реквизити за протнување, качување од офарбаните гуми. Поставена е нова ограда. Објект Пролет 2 е монтажен објект и даден во употреба после катастофалниот земјотрес во Скопје во  1965 год, со корисна површина 793 м2 и дворна површина 762 м2 и капацитет на деца 100, иако последните години градинката работи со зголемен број на деца. Во дворната површина има насадено зеленило цвеќиња, дрва и  зеленчукова  и  овошна  градина. Се обврнува големо внимание на хигиената со редовна дезинфекција на играчките и просториите, редовно се менува постелнината. Потребно е да се санира хидрофорната канализација која се наоѓа во задниот дел на градинката и поради високите температури во летниот период потребни се клима уреди. Потребни се нови детски реквизити и целосно уредување на дворната површина. Објектот Сончогледи е изграден и даден во употреба во 1965 год, дел е монтажен, а дел е цврста градба. Објектот е со внатрешна корисна површина од 1300 м2, дворна површина од 1800 м2, со капацитет на 200 деца. Објектот е реновиран со заложба на Општина Карпош и граѓанската иницијатива. Сменета е кровната површина и изолација на истата, дрвените прозори и врати се сменети со ПВЦ, потребно е во наредната година да се заменат внатрешните  врати  од  занималните. Пералната која се наоѓа во дворот на Објектот е реновирана. Во Објектот во Јануари 2020 год од страна на Општина Карпош е инсталиран систем за греење на просториите со геотермални пумпи, со што потрошувачката на енергија за затоплување е сведена на минимум, а веќе не е потребно набавување на нафта со што се намали трошење на средства за нејзина набавка. Овој систем обезбедува целосно и квалитетно загревање на Објектот. Објектот располага со голема дворна површина која грижливо се негува збогатена е со садници, цвеќиња и зеленчукова градина. Дворот е прекрасно место за престој и игри на деца, но и овој двор има потреба од нови детски реквизити и реконструирање на старите и ставање на нова ограда.